Wedle prokùraturë zdarzenia są zrzeszoné ze sobą, a òdpòwiôdają za nie narkòtikòwé gandżi.
W tim tidzeniu w Brukselë trzë dni za régą, òd strzodë do piątkù (piąti-sódmi gromicznika) doszło do trzech strzelingów. W ti pierszi we strzodã kòl stacje metra Clemencau strzałë z aùtomaticzny barnie blós zawadzëłë miesczémù transpòrtowi, we czwiôrtk kòl ti sami stacje jedna òsoba òstała zrenionô, a w trzecy strzelindze w piątk reno w dzélu Anderlecht jeden człowiek zdżinął. Brukselskô prokùratura, jakô badérëje sprawã corôzka czãstszich przëtrôfków przemòdżi z ùżëcym strzélny barnie, pòdôwô, że zdarzenia ze slédnëch dni mògą bëc zrzeszoné ze sztridama narkòtikòwëch gangów dzejającëch w belgijsczi stolëcë. Dokładny związk tëch trzech zdarzeniów ze sobą jesz nie òstôł pòcwierdzony, ale służbë są gwës, że mògłë w nich brac ùdzél te samë òsobë z pòzdrzatkù na szlachòwny ôrt dzejaniô – krótczé strzélanié i zwiorniãcé z placu. Szandarzë jesz nie nalezlë niżódnégò z atakòwników.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie