Trzë òsobë òstałë zatrzimóné. Są pòdezdrzóné ò hańdel dzecama.
We strzodã dwadzestégò szóstégò gromicznika w gardze Brčko w nordowi Bòsnie w jedny chëczë szandarzë nalezlë trzëdzescë jeden sztëk dzecy, z czegò nômłodszé ni miało jesz rokù, a nôstarszé bëło dwanôsce lat stôré. Wszëtczich dozérała jedna białka z italsczim òbëwatelstwã. Dzecë ni miałë kòl se dokùmentów Bòsnie i Hercegòwinë, miałë za to chòrwacczé paszpòrtë – wôrt dac bôczenié, że Chòrwackô je pierszim krajã Ùnie na tak pòzwónym bałkańsczim szlachù, jaczim migrancë chcą sã dostac do Ùnie. W sprawie òkróm Italczi zatrzimóny òstelë téż môlowi szandara i jegò matka. Pò warający wëdowiédzë nôgwësni òstóną jim przedstawioné òbwinë ò hańdel lëdzama a téż hańdel i lëché zajimanié sã dzecama. Dokładny plan zatrzimónëch a téż jich mòżebné pòrzeszenia z jinszima przesprôwcama jesz nie są znóné pòdszukòwnym. Z pòmòcą môlowégò partu Czerwionégò Krziża dzecë òstałë zabróné z chëczë i trafiłë w bezpieczny môl.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie