Na fermie w Òbjezdze zapôlił sã kùrnik bënë stalanégò bùdinkù.
We wsë Òbjazda w gminie Ùstka we strzodã sztërnôstégò maja wëbùchł òdżin na fermie kùr. Służbë zgłoszenié dostałë za dwadzesce czwiôrtô pò pôłnim. Na plac przëjachało dzesãc pôłków ògniowi starżë. Żôlił sã stalany bùdink, w jaczim pòstawiony béł industriowi kùrnik ò wëmiarach sztërdzescë na sto métrów, a bënë niegò bëło trzëdzescë òsmë tësący sztëk kùr. Czej ògniarze przëjachelë, płomienie òbjimnãłë ju całosc stalanégò bùdinkù. Akcjô gaszeniô ògnia dérowała czile gòdzyn. Padłë wszëtczé kùrë, ale na szczescé niżóden człowiek nie ùcerpiôł. Pò scwierdzenim smiercë zwierzãt ògniarze jesz dogasziwelë zgòrzałé néżczi. Zaczãłë sã ju badérowania môlu, żebë doznac sã, co bëło przëczëną ògnia.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie