Dérëją przërëchtowania do wiôldżi roczëznë, jaką w tim rokù bãdą fejrowałë Chònice. Plan òbchòdów mô bëc fardich do kùńca stëcznika.
Do kùńca stëcznika wëszëznë Chòniców chcą ùstalëc fùlny plan òbchòdów 750-lecégò gardu, na pamiątkã pierszi nadczidczi ò Chònicach w dokùmence wëstawionym przez gduńsczégò ksyżëca Mestwina II w 1275 r. Przédné wëdarzenia mają bëc zrzeszoné z rokrocznyma Dniama Chòniców. Jak na terô zaplanowóné są wëstãpë przërôczonëch artistów jak Vixen, Nataliô Nykel czë karno IRA, a téż zòrganizowanié w miesce centralnëch òbchòdów 75. roczëznë pòwstaniô pòlsczich radiotechnicznëch wòjsków 15. rujana. Wôrt wspòmnąc téż ò jinszim wëdarzenim, jaczé mdze 26. czerwińca. W chònicczi Mniészi Bazylice pw. Scãcégò Jana Chrzcëcela bãdze mszô swiãtô w intencje Chòniców, kòncelebrowónô przez trzech biskùpów: peplińsczégò biskùpa Riszarda Kasynã, chtëren pòprowadzy liturgiã, szczecyńskò-kamieńsczégò arcybiskùpa metropòlitã Wiesława Smigla, jaczi wëgłosy homiliã, a téż pòmòcniczégò torńsczégò biskùpa Józefa Szamocczégò. Jak pòdôwô bùrméster Arseniusz Finster, gard przódë bédowôł ùrządzenié taczi mszë bùten, le biskùp Kasyna zadecydowôł, że pasownym placã bãdze mniészô bazylika, z pòzdrzatkù na historiczny znaczënk tegò kòscoła. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie