Dwanôsce lat sôdzë òstôwô w mòcë dlô chłopa, chtëren przëjachôł drëcha aùtołã.
We wtórk dwadzestégò piątégò strëmiannika Apelacjowi Sąd we Gduńskù òdczëtôł wërok w sprawie sprzed trzech lat. Ùtrzimôł sztrôfã dwanôsce lat sôdzë dlô trzëdzescë szesc lat stôrégò Ùkrajińca Rómana Z., weterana wòjnë w Donbasu, jaczi w czerwińcu trzë lata nazôd w Rédze ùmëslno pòtrącył aùtołã swòjégò znajomégò Òleksyja P., a tej pò nim przejachôł. Przejachóny miôł pòłómoné czile żeber i do dzys mô jiwrë z normalnym chòdzenim. Sprôwca béł tej spiti, a drëcha przejachôł za to, że jegò brutka sã do niegò przëslécała. Nie pòkôzôł sã na zalë rozprawów, bò òstôł w areszce. Apelacjowi Sąd ùznôł, że wczasniészi rozsądzënk òkrãgòwégò sądu béł sprawiedlëwi i ni ma pòwòdów, żebë nie wierzëc relacje òfiarë. Róman Z. bãdze sedzôł dali za próbã mòrdarstwa.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie