Produkcjô pòmëslónô na dwie i pół gòdzënë mô òpòwiadac ò dwasta latach wieleetniczny historie Gduńska.
Filip Bajón, reżiséra znóny z mówiącégò ò kawlu Kaszëbów filmù „Kamerdiner”, dôł do wiadë, że warô robòta nad nowim filmã namienionym historie Pòmòrzégò. Wespół z Mirosławã Piepką i Markã Klatã, jaczi téż robilë przë „Kamerdinerze”, napisôł scenarnik do filmù „Gduńsk”, jaczi w trzënôsce sekwencjach mô òpòwiedzec ò ùszłoce Gduńska òd kùńca XVIII stalatégò do dzysdnia. Inspiracją béł film „Rzim” Federico Felliniégò z 1972 rokù.
Narratorama w filmie mają bëc Joanna Schopenhauer i ji syn Artur, jeden òd nôsłôwniészich filozofów, ùrodzony we Gduńskù. Pòcwierdzony òstôł ùdzél taczich pòlsczich aktorów jak Kristina Janda, Adóm Wòronowicz czë Daniél Òlbrichsczi.
W narzeszenim do „Kamerdinera”, slédnégò dzeła trójczi scenarzistów robiącëch przë „Gduńskù”, Mirosłôw Piepka gôdô ò nowim filmie:
– Nawetka nie próbùjã przëmierzëc gò do „Kamerdinera”, kò tam më pòkôzelë blós cziledzesąt lat z żëcégò Kaszëbów. Tuwò „przeprôwiómë sã” przez przeszło dwasta lat, przez co kòsztë bãdą wiele wëższé.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie