Kaszëba Édmùnd Wnuk-Lëpińsczi (1944-2015), jeden òd nôlepszich pòlsczich socjologów, a też pisôrz science-fiction, ùmiarł 10 lat temù.
28. stëcznika w Bëtowie pòd tôflą na wdôr Profesora, jakô wisy na scanie kamiéńcë, w jaczi sã wëchòwiwôł, delegacje z Kaszëb a Warszawë złożëłë kwiatë. Pòtemù na zómkù socjolodzë - wespółrobòtnicë a ùczniowie profesora, wspòminelë jegò pòstacją. Gôdelë też bëtowianowie, chtërny miele z nim kòntakt w młodëch latach. Wedle jich słów E. Wnuk-Lëpińsczi jawi sã nié leno jakno przédny badéra, òsoblëwie ód nônowszëch pòliticzno-spòlëznowëch przemianów westrzédnoeùropejsczich krajów, kò téż jakò bëlny człowiek, wëchòwôwca, żëczny dlô lëdzy. Z dredżi stronë Kaszëbë, Bëtowò a rodzëzna bëłë wiedno dlô niegò wspiarcym, tu nôlepi òddichôł. Jedną z ùdbów, ò jaczi gôdelë òb czas wspòminkòwégò zéńdzeniô, bëło wrócenié do Bëtowa lëteracczégò kònkùrsu s-f i fantasy. Jegò patronã miôłbë sã stac prawie É. Wnuk-Lëpińsczi.
Pioter Dzekanowsczi
Twoje zdanie jest ważne jednak nie może ranić innych osób lub grup.
Komentarze opinie