Reklama
W Anielsce pò anielskù
04/01/2026 16:44
Nowé zmianë w przëjimanim migrantów mają sprawic jich lepszą integracjã z Britijczikama.
Minął ju przechódny cząd pò wińscym Wiôldżi Britanie z Eùropejsczi Ùnie. Òd pierszégò stëcznika do wjazdu do tegò kraju nót je miec przë sobie płôtny paszpòrt – dotądka niechtërny òbëwatelë Eùropejsczi Ùnie, w tim Pòlsczi, mòglë jachac tam na samim òsobistim dokazu. Òd czwiôrtkù ósmégò stëcznika bãdze wprowadzoné pòstãpné ògrańczenié dlô migrantów. Lëdze, jaczi bãdą chcelë starac sã ò wizë dlô wëùczonëch robòtników, bãdą mùszelë zdac egzamin z anielsczégò jãzëka. Òbjimac òn bãdze gôdkã, słëchanié, czëtanié ë pisënk, a zdawac gò bãdze szło w wëznaczonëch òstrzódkach. Bãdze to sã tikało lëdzy, jaczi bãdą skłôdelë nowé wniósczi ò wizã. Ti, co chcą swój terny przedłużëc, do egzaminu ni mùszą pòdchadac. Rząd chce tak ògrańczëc napłiw migrantów i pòrëszëc tëch, co chcą przejachac, do lepszi integracje. Wedle znajarzów nôwikszi cësk ta zjinaka dô na branże, gdze dotąd sygała spòdlowô znajomòta anielsczégò, a w jaczich robiło wiele cëzyńców.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze