Do zdarzeniô doszło w turisticzny môlëznie Villa Gesell w prowincje Buenos Aires.
W argentińsczim nadmòrsczim kùrorce Villa Gesell we wtórk 29. rujana krótkò pò dwanôsti w nocë zawalił sã part hotelu Dubrovnik, chtëren béł wëłączony dlô gòscy. W znikwionym w 80% bùdinkù mògło równak tedë bëc kòl 15 sztëk lëdzy. Lokalné media pòdôwają, że zdżinął jeden 80-latny chłop, a ùretac ùdało sã jednã białkã. Wcyg dërchô szëkba za jinszima zadżinionyma, jaczich retownicë rechùją na co nômni sétmë. Mielë bëc strzód nich téż robòtnicë bùdacje wcygôcza, prowadzoné bez zezwòleniô, nimò że wëszëznë gardu wëdałë na to zakôz latos w zélnikù.
Retownicë z dwùch specjalno wëszkòlonëch karnów szukają za zadżinionyma z ùżëcym psów i specjalisticznégò sprzãtu. Na zawalenim hotelu ùcerpiała téż jedna priwatna chëcz, w jaczi w mòmence wëpôdkù bëło òd dwùch do sztërzech lëdzy.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie