Reklama

W Czelnie szkólnô wrzuca krziż do kòsza

Klëka

08/01/2026 13:18

Pòzdrzatkòwi òdjimk. Szkòła w Czelnie. Òdj. http://spkielno.pl/

Wiada ò tim, że na Kaszëbach szkólnô szmërgnãła krucyfiks do smiecy, doszła jaż do Warszawë.

W spòlëznowëch mediach pòjawiła sã infòrmacjô, że w pòłowie gòdnika w Spòdleczny Szkòle w Czelnie na ùczbie szkólnô òd anielsczégò zdjãłã krziż ze scanë i wërzucëła gò do kòsza na smiecë. Gôdała, że nie chce na niegò zdrzec, a szkòlôcë próbòwelë narôz krziż dac na scanã. Tak sprawã przedstôwielë rozprzeniosłi starszi szkòłowników, a wiada doszła tak do môlowëch wëszëznów jak i do centralnëch. Wójt gminë Szëmôłd Riszard Kalkòwsczi dôł do wiadë, że zgłosył sprawã do prokùraturë. Direktórka szkòłë wespółrobi z Kùratorium Pòùczënë w sprawie dokładnégò wëwidnieniô sprawë. Pòliticë z prawiznë nierôz òstro sã ò sprawie wëpòwiôdelë i przëmiérzelë jã do czasów zagôrënków. Przëstojnicë Kònfederacje Pòlsczi Kòrunë zapòwiedzelë protest przed szkòłą na czwiôrtk ósmégò stëcznika.

H.S.Sz.

Załączniki