W sobòtã 2. rujana w nocë òb czas bùrzë z deszczã piorën trafił w metalowi dak timczasowégò kòscoła w lôgrze dlô ùcekłëch Palabek w nordowi Ùgandze, zabijającë 14 lëdzy a reniącë 34.
W czasu grzimniãcô piorëna w bùdinkù bëło prowôdzoné nôbòżéństwò. 13 òd zabitëch to dzecë w rozmajitim wiekù, 5 dzéwczãt i 9 knôpów. Sztërnôstô persona miała 21 lat. Kòscół ni miôł zamòntowónégò piorënchrona. Reniony w zdarzenim òstelë przewiozłi do bòlëców gdze żdżą za ju zapòwiedzóną pòmòcą zadeklarowóną przez ùgandijsczi rząd w wespółrobòce z Wësoczim Kòmisarzã ds. Ùchódników Òrganizacje Zjednónëch Nôrodów.
Lôdżer Palabek wedle rapòrtów Òrganizacje Zjednónëch Nôrodów miescy wicy jak 80 tës. migrantów, z czegò kòl 500 nowëch docygô do niegò kòżdégò miesąca. Nôwicy z ùcekłëch pòchôdô z Pôłniowégò Sudanu, gdze je domôcô wòjna i humanitarny krizys.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie