Chłop, jaczi zaatakòwôł jednégò z szandarów nożã, òstôł smiertno pòstrzélony przez drëdżégò. Nie ùdało sã gò ùretac.
We strzodã 18. gòdnika òb wieczór pòlicjô pòdjachała pòd chëcz w Zelony Chòcënie w gminie Kònarzënë, gdze 37-latny chłop z nożã demòlowôł mieszkanié i grozył swòjémù òjcu. Pò gôdce z miéwcą mieszkaniô szandarzë doznelë sã, że jegò syn zamkł sã doma i rzekł, że sã zabije. Tej weszlë dodóm, żebë mù na to nie pòzwòlëc, le òn zaatakòwôł szandarów nożã, reniącë jednégò w rãkã. Drëdżi wëjął pistól i pòstrzélił atakòwnika w òbarnie żëcégò drëcha. Zarô pò tim zaczął robic 37-latkòwi pierszą pòmòc, le ten ùmarł ju pò przëjachanim retowników.
Zabiti atakòwnik ju przódë sprôwiôł tôkle i béł znóny pòlicje z agresywnégò zachòwaniô. Terô warô sprawdzanié, czë interwencjô szandarów i ùżëcé barnie bëło przeprowadzoné zgódno z prawã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie