Nôleżnicë gangów rządzącëch stolëcą kraju narazëlë na niebezpiek wszëtczich lëdzy we fligrze, le kùńc kùńców letkò renionô òsta le jedna persóna.
W pòniedzôłk 11. smùtana w czasu próbë lądowaniô fligra amerikańsczi linie Spirit, lecącégò z Fort Lauderdale na Floridze w USA, na latawiszczu w stolëcë Hajiti Port-au-Prince przez fliger przebiłë sã kùgle wëstrzéloné w jegò czerënkù przez nôleżników przesprawczich gangów, chtërne kòntrolëją stolëcã kraju i ùniemòżebniwają sprawné fùnksnérowanié administracje i transpòrtu. Letkò renionô òstała jedna stewardessa, pasażéróm nic sã nie stało.
Fliger lecbë nr 951 òstôł przeczerowóny do Dominikanë, na fligerplac w Santiago, gdze òb kòntrolã òstałë wëkrëté place w kònstrukcje maszinë trafioné przez patrónë. W związkù ze zdarzenim Spirit a téż czile jinëch latawnëch liniów zawiesëłë wszëtczé lécbë do Port-au-Prince z pòzdrzatkù na nieùstôwającą zagrôżbã ze starnë gangów.
H.S.Sz.
W pòniedzôłk 11. smùtana w czasu próbë lądowaniô fligra amerikańsczi linie Spirit, lecącégò z Fort Lauderdale na Floridze w USA, na latawiszczu w stolëcë Hajiti Port-au-Prince przez fliger przebiłë sã kùgle wëstrzéloné w jegò czerënkù przez nôleżników przesprawczich gangów, chtërne kòntrolëją stolëcã kraju i ùniemòżebniwają sprawné fùnksnérowanié administracje i transpòrtu. Letkò renionô òstała jedna stewardessa, pasażéróm nic sã nie stało.
Fliger lecbë nr 951 òstôł przeczerowóny do Dominikanë, na fligerplac w Santiago, gdze òb kòntrolã òstałë wëkrëté place w kònstrukcje maszinë trafioné przez patrónë. W związkù ze zdarzenim Spirit a téż czile jinëch latawnëch liniów zawiesëłë wszëtczé lécbë do Port-au-Prince z pòzdrzatkù na nieùstôwającą zagrôżbã ze starnë gangów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie