Pamiątka pò niemiecczim badérze kaszëbiznë pòjawi sã na dôwny sedzbie ùsadzonégò przez niegò towarzëstwa.
Z òrãdzë 154. roczëznë ùrodzeniô Friedricha Lorentza, ùrodzonégò w Meklembùrsce badérë kaszëbiznë i Kaszëbów, Kaszëbsczé Mùzeùm w Kartuzach zapòwiôdô òdkrëcé tôflë na wdôr ti zasłużony dlô Kaszub pòstacje. Ten merk ùczestnieniô mdze szło òbezdrzec na Kaszëbsczim Dwòrze przë sz. Gduńsczi, tim samim bùdinkù, w jaczim w 1907 r. Lorentz w wespółrobòce z Izydorã Gùlgòwsczim założëlë Kaszëbsczé Lëdoznajôrsczé Towarzëstwò (niem. Verein für Kaschubische Volkskunde), pòd przédnictwã prawie Lorentza.
Aùtorã tôflë je prof. Jón Szczépka. Dzéń ùroczëznë ji òdkrëcô jesz nie òstôł pòdóny, ale direktórka mùzeùm Barbara Kąkòl ju rôczi zainteresowónëch do bëtnictwa w wëdarzenim. Wôrt przëbaczëc, że ùczestniony za swòje badérowania ùczałi ùrodzył sã 18. gòdnika.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie