Ogłoszenie Firmę
Wróć
Komentarze
Udostępnij
Najnowsze
Więcej
Reklama

W Kôlbùdach ùsadzą liceùm

Klëka
04/04/2026 11:19
Òdj. https://www.kolbudy.pl/
Òdj. https://www.kolbudy.pl/

Gduńsczi kréz i gmina Kôlbùdë dogôdałë sã, że to gmina bãdze sã zajimac pierszą strzédną szkòłą na ji terenie. Je to òdpòwiesc wójta na corôz wicy mieszkańców i na drãgòscë w dojeżdżanim do Pruszcza czë Trzëgardu.

Radny gminë Kôlbùdë na slédny sesje radzëznë pòdjimnãlë ùchwôlënk ò ùsadzenim Òglowòsztôłcącégò Liceùm w Kôlbùdach. Mô bëc òno ùsadzoné w bùdinkù dzysészégò Karna Sztôłceniô i Wëchòwaniô przë szasëje Wëbicczégò i bãdze dzejac razã ze spòdleczną szkòłą. Chòc są zbòjania ò plac w mùrach, wójt Mark Gòlińsczi gôdô, że ni miałobë bëc jiwru, bò doch rëchli w bùdinkù òkróm spòdleczny szkòłë dzejało gimnazjum. Na zôczątk mają pòwstac dwie klasë: Jedna ò profilu diplomaticzno-administracjowim, a drëgô ò profilu dokładnëch nôùków. Chòc zwëczajno prowadzenié strzédnëch szkół słëchô krézóm, to w ti sprawie òbie jednostczi sã dogôdałë, że tegò liceùm dozerac bãdze gmina. Gduńsczi kréz przëjął ùchwôlënk w ti sprawie w gòdnikù. Start dwùch klasów ju òd nowégò szkòłowégò rokù.

H.S.Sz.

Czytaj nas w Google
Dodaj do Google
Źródło i opracowanie własne
Klëka
Reklama

Komentarze opinie

Podziel się swoją opinią

Twoje zdanie jest ważne jednak nie może ranić innych osób lub grup.

Komentarze

  • Reklama
Nôdzejnô przińdnota sledzy ë bretlingów

Nôdzejnô przińdnota sledzy ë bretlingów

Sygnalistka zdżinãła òb czas kładzeniô sztreczi

Sygnalistka zdżinãła òb czas kładzeniô sztreczi

Czerowca drëkòwôł dzecóm specjalné bilietë

Czerowca drëkòwôł dzecóm specjalné bilietë

Nowi chmùrnik we Gduńskù

Nowi chmùrnik we Gduńskù

Miastkò z atrakcją dlô fanów ùrbexu

Miastkò z atrakcją dlô fanów ùrbexu

Z rëbôków mdą chòwarze swórków

Z rëbôków mdą chòwarze swórków

Z Kaszëb - więcej informacji

Reklama

Wideo




Reklama
Reklama
Reklama
Reklama
Najnowsze wiadomości