Reklama

W Meksykù sto szandarów zatrzimónëch za zdradã

Klëka

19/12/2024 17:45

W dwùch stanach Meksykù wicy jak 100 szandarów òstało zatrzimónëch przez prokùraturã. Dostelë òbwinë wespółrobòtë z gangama.

We wtórk 17. gòdnika Jorge Luis Llaven Abarca, stanowi generalny prokùratór meksykańsczégò stanu Chiapas, dôł do wiadë, że rëgnãła akcjô procëm szandaróm wespółrobiącym z narkòtikòwima kartelama w tim stanie.

Dzéń przódë w samim Chiapas zatrzimónëch bëło 92 szandarów, chtërny mielë przekazëwac wëszëznóm kartelów infòrmacje tikającé planowónëch pòdjimniãców biôtczi z hańdlã narkòtikama. Przë leżnoscë ùdało sã nalezc i przejic wiele marihuanë i kòkajinë, a téż dëtków, jaczé dostôwelë zaprzańczi szandarzë.

Prokùratór pòdsztrichiwôł pòdskacënk służbów w stanie Chiapas do zaòstrzeniô dzejaniów procëm przesprôwcóm a téż kòrupcje strzód samòrządówców i przedstôwców pùbliczny władzë. Zapòwiôdô pòstãpné dzejania we wespółrobòce z centralnym rządã, a téż z całą spòlëzną. Jak gôdô: „Dni, w jaczich môlowé lëdztwò wespółrobiło z przesprôwczima gangama, minãłë”.

H.S.Sz.