Kònferencjô w Mnichòwie òstała ùznónô za zapòwiesc zjinaczi w relacjach Zjednónëch Stanów i Eùropë, chtërna wedle Amerikanów òdeszła òd demòkraticznëch wôrtnotów.
W niedzelã szesnôstégò gromicznika skùńczëła sã latosô Mnichòwskô Kònferencjô Bezpiekù, gdze przédną témą òbgôdków bëła kwestiô wòjnë na Ùkrajinie i przińdnotë Eùropë jakno sąsada Rusje. Eùropa mògła ùczëc słowa rozczarzeniô przez wëgłoszoné na kònferencje deklaracje przedstôwców Zjednónëch Stanów. Wiceprezydent James David Vance w swòji przemòwie òstro skritikòwôł Eùropã za niewiérnotã swòjim wôrtnotóm, łómanié wòlnotë słowa i nieùwôżanié dlô demòkracje. Wësłańc Stanów do sprôw Ùkrajinë i Rusje generôł Keith Kellog ògłosył, że negòcjacje w sprawie przëwróceniô miru dlô Ùkrajinë bãdą sã dzejałë przë pòstrzédnictwie Americzi i bez ùdzélu Eùropë. Prezydent Ùkrajinë Wòłodimir Zełeńsczi dôł do wiadë, że òdrzucô zabédowóną przez Stanë ùmòwã, wedle jaczi Amerika miałabë zagwësnic Ùkrajinie bezpiek, ale żądałabë za to wòlnégò przistãpù do ùkrajińsczich nôtërnëch zôsóbków. Wzéwôł téż do ùsadzeniô pòspólny eùropejsczi armie, tak żebë zwëskac szacënk Stanów i ni mùszec wiedno rechòwac na òbarnã z bùtna. Eùropejsczi wódcë pòstãpny rôz przëznelë, że je nót wzyc na se wikszą òdpòwiedzalnotã za kwestie òbarnë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie