Niemiecczi szandarzë nie bëlë w sztãdze zatrzëmac wòzu jadącégò cygcakã przez westrzódk aùtostradë. Jich starë ò zagwësnienié bezpiekù jinym szoféróm nie sygłë.
W sobòtã 30. smùtana wieczór w Nordowi Nadrenie-Westfalie na aùtodargach A1 i A46 pòlsczi szoféra cãżarowégò aùtoła weszedł w kòlizjã z 50 aùtołama, czej jachôł pò szasym slalomã. Czerowca nie reagòwôł na pòlétë zatrzimaniô òd pòlicje, jakô gòniła gò przez 60 km. Szandarzë przekazéwelë jinym jadącym pò aùtostradze nakazë jak nôchùtszégò ji òpùszczeniô, ale nié wszëtcë zdążëlë – w wëpôdkach renionëch òstało co nômni 19 lëdzy. Pòlskô cãżarówka skùńczëła rajd wbijającë sã w zôtór aùtołów.
Sprôwca lékarził sã psychiatriczno i òstôł ju sczerowóny do psychiatriczny bòlëcë. Scwierdzył, że léczi mù przepisóné nie dzejają, a òn sóm nie chcôł nikòmù zrobic krziwdë. W kabinie jegò wòzu nalazłë sã léczi, alkòhol i biôłi pich, jaczi òstôł przekôzóny do badérowaniów. Media pòdôwają że w czasu jazdë czerowca mógł miec 0,8 promila alkòholu.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie