Szczestlëwie nicht nie béł reniony. Pòlicjô szukô za sprôwcą, jaczi mòże jic do sôdzë na 5 lat.
W nocë z niedzelë na pòniedzôłk w Pãpòwie kòl sz. Lëpòwi, niedalek grańcë z Baninã, chtos òstrzélôł dotëgòwny aùtół i magazynowi bùdink. Patrónë znikwiłë wszëtczé rutë w wòzu i jednã w bùdinkù. Bënë nie bëło nikògò, tak tej nicht nie béł reniony, ale stratë w dëtkach miéwca òbtaksowôł na tësąc złotëch. Patrónë òstałé wzãté do badérowaniô, żebë nalezc mòdel ùżëti barni – baro mòżlewé, że bëła to pneùmaticznô flińta na metalowé kùgelczi. Pòlicjô szukô za sprôwcą zdarzeniô, jaczé mògło sprawic wiôldżi niebezpiek i wierã bëło sczerowóné direktno procëm miéwcë aùtoła. Szukają téż za swiôdkama, jaczi mògą zgłaszac sã na numer 112 z brëkòwnyma szandaróm infòrmacjama – bãdze jima zagwësnionô anonimòwòsc. Zabezpieczoné ju òstałë nagrania z kamerów w òkòlim. Sprôwca mòże dostac do 5 lat sôdzë za ùszkòdzenié miectwa.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie