Pòdezdrzóné zachòwanié chłopa dzãka pòlicjowi interwencje mést sã skùńczi, ale mieszkańcë dali są proszony ò trzimanié bôczënkù.
W pòniedzôłk 25. smùtana pò pôłnim kòl Spòdleczny Szkòłë nr 5 w Rédze chłop w cemnomòdrim aùtole Hyundai na zagrańcznëch registracjowëch numrach zachãcywôł dwùch wëchôdającëch ze szkołë ùczniów, żebë weszlë do jegò wòzu. Bédowôł jima za to 10 zł. Za dzecama szła dozdrzeniałô persóna, jakô zareagòwała na zdarzenié i strzima szkòlôków przed pòsłëchanim nieznajemnégò. Bëło to zgłoszoné na pòlicjã, chtërna pòdôwô, że jistno zdarzëło sã kòl jiny rédzczi szkòłë – ten sóm chłop w cemnomòdrim Hyundaiu miôł marastowac dzecë do wsadniãcô w jegò aùtół.
Pòstãpnégò dnia pò 2. gòdzënie pò pôłnim szandarzë delë do wiadë, że nalezlë miéwcã Hyundaia.
Direktórka Spòdleczny Szkòłë nr 5 Mónika Halczôk-Lewandowskô zachãcywô starszich do ùchòwaniô bôczënkù i przestrzéganiô dzecy przed wsadiwanim do aùtołów nieznajemnëch, a téż prosy, żebë wszelejaczé szlachòwné sytuacje zgłosëc pòlicje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie