Bana bëła òdemkłô dzesãc dni pò zëmòwi przerwie. Wëszëznë pòdôwają, że lina pòdtrzëmiwającô wagónk zerwa sã przez wiater.
We czwiôrtk sétmënôstégò łżëkwiata pãkła jedna lina òd linowi banë midzë gardã Castellammare di Stabia a wëszińcã górë Faito, niedalek Neapòlu. Wagónk z piãc òsobama spôdł na przitczi zberk. Zdżinãło sztërzech turistów. Wedle italsczich mediów dwùch bëło z Wiôldżi Britanie, a dwùch z Izraela. Piątą òsobą béł maszinista wagónka, jaczi cãżkò pòreniony òstôł zabróny do bòlëcë. Do ti sami linë pòdczepiony béł jesz jeden wagónk, ale ten tedë nie béł na wiôldżi wëszawie. Ùsadzony bënë maszinista i turisce pòżdelë na pòmòc zawieszony nad zemią. Służbë wëdostałë jich i sprowadzëłë bezpieczno na dół. Prezydent regionu Vincenzo Da Luca cwierdzy, że do tragedie przëczëniło sã lëché wiodro, w pierszi rédze mòcny wiater. Rëgnãła równak wëdowiédzô, jakô mô sprawdzëc dokładno chto zawinił. Linowô bana kòl Monte Faito dzejô òd tësąc dzewiãcset piãcdzesątégò drëdżégò rokù, a slédny szlachòwny wëpôdk béł òsmë lat pò ji òdemkniãcym, czej zdżinãłë sztërë òsobë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie