Reklama

Warënczi Trumpa dlô NATO co do Rusczi ë Chin

Klëka

14/09/2025 10:46

Wszëtczé kraje Nordowòatlanticczi Zdrëszënë miałëbë nałożëc sankcje na Ruskã i òprzestac kùpiwac òd ni petrólkã, a na Chinë nałożëc cła òd piãcdzesąt do sto procent – scwierdzył prezydent Zjednónëch Stanów.

Na swòji spòlëznowi platfòrmie Truth Social prezydent Zjednónëch Stanów Donald Trump napisôł pòst, zatitlowóny jakno „Lëst do wszëtczich krajów NATO i całégò swiata”, w jaczim dôł do wiadë, jaczé mô planë òkòma nakłôdaniów sankcjów na Ruskã. Zadeklarowôł, że je fertich je mòckò zwikszëc, jeżlë wszëtczé kraje Nordowòatlanticczi Zdrëszënë zrobią to samò, a téż òprzestóną kùpiwac ruską petrólkã, co dzysdnia mòckò szkòdzy negòcjacjowi pòzycje zdrëszënë. Gôdôł téż ò cëskù, jaczi na Ruskã mają Chinë, a przez co béłbë mùsz, żebë solidarno nałożëc na nie cła òd piãcdzesąt do sto procent. Wedle niegò Zdrëszëna nie pòłożëła jesz wszeldżi starë, żebë dobëc z Ruską. Òkróm tegò Trump scwierdzył, że wòjna Ùkrajinë z Ruską nie je jegò wòjną, ale wòjną Bidena i Zełeńsczégò, bò za jegò prezydenturë òna bë nigdë nie wëbùchła.

H.S.Sz.