Pòtkanié wespółòrganizowóné przez Kaszëbsczi Institut òdpòwié na pitania sparłãczoné z nônowszima badérowaniama na témã Kaszëbów.
Kaszëbsczi Institut w wespółrobòce z Pòlską Akademią Nôùków, jaczé òrganizëją cykel pòtkaniów „W krãgù kaszëbò- i pòmòrzoznajôrsczich badérowaniów we warszawsczim òstrzódku”, rôczi na gòdz. pół piąti pp. (16:30) w pòniedzôłk 28. rujana na prezentacjã rapòrtu prof. Cezarégò Òbracht-Prondzyńsczégò pt. „Kaszëbi w pòmòrsczi spòlëznie: juwernota, stereòtipë, relacje w widze nônowszich badérowaniów”. Pòtkanié bãdze kòl sz. Òleandrów 2/4 we Warszawie, ale mdze w hibridowi fòrmie. Pòd artiklã pòdôwómë pòwrózk do pòtkaniô online, dzãka jaczémù dô sã wzyc ùdzél w prezentacje.
Rôczony są nié blós akademicczi badérowie, le téż wszëtczi lëdze, co sã zajimają Kaszëbama i Pòmòrzim.
Pòwrózk: https://zoom.us/j/93813057504?pwd=MQe5beyrNrpqIHXo7NFQbrsb4FtYzk.1
Twoje zdanie jest ważne jednak nie może ranić innych osób lub grup.
Komentarze opinie