Reklama

Wëbùch w szwajcarsczim kùrorce

Klëka

03/01/2026 21:25

Crans-Mòntana. Òdj. Reustli; zdrzódło: https://pl.wikipedia.org/wiki/Crans-Montana#/media/Plik:Crans-Montana.jpg

Przëczëną ògnia bëło niebôczlëwé òbchôdanié sã ze skrzącyma swiécama. Skùtk to sztërdzesce sétmë zabitëch i przez sto renionëch.

W zylwestrową noc w szwajcarsczim pùrgòwim òstrzódkù Crans-Mòntana w barze La Constellation wëbùchł òdżin. Wedle swiôdków kawòwé niosłë bùdle szampana z wetkłima w nie skrzącyma swiécama. Skrë bëłë za krótkò drzewiany pòsowë, jakô sã zażôlëła. Pòcwierdzywają to téż slédné òdjimczi przed eksplozją, jakô sprawiła nié blós òdżin, le téż ùrzas ù gòscy lokalu, jaczi w sparłãczenim z wąsczima przechòdama ùtrëdnił skùtkòwną ewakùacjã. Retënkòwé służbë przëjachałë pòd bar ju pò czile minutach. Bëtny pòmôgelë wëcëgac ùsadzonëch przez òkna i bòczné wchòdë. W całim zdarzenim zdżinãło sztërdzesce sétmë òsób, a przeszło sto bëło renionëch. Wikszosc to òsobë òd szestnôsce do dwadzesce szesc lat stôré. Bëlë strzód nich téż cëzyńcë, midzë jinszima z Francësczi ë Italsczi. Jesz nié wszëtczé cała òstałë wëdóné rodzëznóm, bò są jiwrë z jich rozpòznanim. W kantonie Valais, gdze leżi Crans-Mòntana, je wprowadzony apartny ùstôw dlô zletczeniô służbóm dzejaniô na placu a téż rozséłaniô renionëch pò bòlëcach.

H.S.Sz.

Źródło i opracowanie własne