Reklama
Wòdny elektrisz midzë Pùckã a Chałëpama
14/10/2025 10:37
Za rok turiscë ju bãdą mielë wëpróbòwóné nową jednostkã, co bãdze kùrsowac pò Pùcczim Wikù òb latné ferie. Midzë Pùckã a Chałëpama ju nie mdze nót jezdzëc aùtołama.
Na pòtkanim przedstôwców samòrządzënów słëchającëch do Krézowò-Gminnégò Związkù Pùcczégò Wikù z lokalnyma institucjama transpòrtu i turisticzi w Pùcku w piątk dzesątégò rujana zaprezentowóny òstôł nowi wòdny elektrisz. Ten òd latnégò cządu w przińdnym rokù mô jezdzec pò turze Pùck–Swôrzewò–Chałëpë. Mô pòmiescëc do piãcdzesąt pasażérów, w tim niefùlsprôwnëch, a bãdze na nim téż plac na kòła. Gmina Wiôlgô Wies zapòwiedzała, że w Chałëpach pòwstónie brëkòwnô infrastruktura pòżdôwkù dlô elektrisza. Òkróm gminë Wiôlgô Wies inwesticjã rëchtëje téż gmina i gard Pùck a téż pùcczi kréz. Kòsztac bãdze przez trzë miliónë złotëch, a part bãdze sfinancowóny z Pòlsczégò Ładu. Mô stac sã nową turisticzną atrakcją a téż jawerno sã przeczënic do proekòlogiczny pòstawë w regionie, twòrzącë drëszną strzodowiszczu alternatiwã dlô jeżdżeniô aùtołama.
H.S.Sz.
Załączniki
Aktualizacja: 15/10/2025 17:02
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie