Gard w wespółrobòce z żëdowską gminą zòrganizowôł ùroczëznã złożeniô kwiatów niedalek banowiszcza a téż kòncert w bóżnicë.
W pòniedzôłk 27. stëcznika bëła 80. roczëzna wezwòleniô kòncentracjowégò lôgru Auschwitz-Birkenau w Òswiãcymiu. Z ti leżnoscë we Gduńskù ùczestnilë pamiãc òfiarów holokaùstu. Przë pòmnikù kindertranspòrtów kòl przédnégò banowiszcza kwiatë i znitë złożëlë przëdstôwcowie m.jin. Radzëznë Gardu a téż Żëdowsczi Wëznaniowi Gminë. Zastãpnik prezydenta Gduńska Pioter Bòrawsczi gôdôł ò mùszebnoscë prowadzeniô edukacje procëm totalitarizmòwi i nienawistnym dejologióm. Przédnik żëdowsczi gminë Michôł Samet mówił ò tim, że do włôdzë pòzwôlô jima czãsto dochadac môłczącô zgòda spòlëznë i felënk dzyrzkòscë, żebë sã jim sprocëmnic. Wieczorã w Nowi Bóżnicë we Gduńskù béł kòncert „Òkno na tamtą starnã” karna KLEZMO.RIOT, jaczé wëkònywô tradicjową żëdowską mùzykã klezmerską, sparłãczony z przezérkã pòezje w témiznie holokaùstu. Pò skùńczenim kòncertu ùczãstnicë zapôlëlë pòstãpné znitë na wdôr òfiaróm nazyzmù. H.S.Sz.
Twoje zdanie jest ważne jednak nie może ranić innych osób lub grup.
Komentarze opinie