Infòrmacje pòdôwóné przez Ùkrajińców zdebkò òdkriwają skalã ùdzélu żôłnérzi z Daleczégò Pòrénkù w wòjnie w Ùkrajinie.
We wtórk 5. rujana w Kijiwie we wëdowiédzë dlô pôłniowòkòrejańsczi stacje KBS minister òbarnë Ùkrajinë Rustem Ùmerow pòwiedzôł, że midzë ùkrajińsczima wòjskama a żôłnérzama Nordowi Kòreji doszło do pierszich wòjnowëch zetkaniów. Nie dôł do wiadë dokładnégò môlu i czasu zdarzeniô. Na pitanié ò to, czë ta infòrmacjô òznôczô, że Nordowô Kòreja fòrmalno doparłãczëła sã do wòjne Rusczi procëm Ùkrajinie, Ùmerow pòcwierdzył te słowa.
Przódë przez kanał na Telegramie Andrij Kòwałenkò, szef Centrum Procëmdzejaniô Dezinfòrmacje przë Radzëznie Nôrodnégò Bezpiekù i Òbarnë Ùkrajinë, przekazywôł, że pierszô grëpa żôłnérzi z Nordowi Kòreje òstała „òstrzélónô” przez ùkrajińsczé sëłë. Wedle wiadów zebrónëch przez ùkrajińską wëdowiédzã, ti żôłnérze służą pòd rusczima wódcama i w rusczich ùnifòrmach, przechôdającë trening z ôbsłudżi mòdernëch spòsobów wòjnowëch dzejaniów. Do kùrsczégò òbwòdu mô bëc ju scygnioné kòl 11 tës. Nordowëch Kòrejańczików.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie