Złożenié wińców kwiatów pòd pòmnikã załóżcë miasta ùrëchlëło roczëznã przemionowaniô Wejrowsczi Wòlë na Wejrowò w 1650 rokù.
W sobòtã 11. stëcznika na Placu Jakùba Wejhera we Wejrowie bëła ùroczëzna ùczestnieniô 375. roczëznë ùsadzeniô miasta przez malbòrsczégò wòjewòdã Jakùba Wejhera. W złożenim kwiatów pòd pòmnikã załóżcë w pòdzãce za jegò zasłudżi wzãlë ùdzél przedstòwcowie miesczégò samòrządu z zastãpnikã prezydenta Arkadiuszã Kraszkewiczã na przódkù a téż nôleżnicë Stowôrë Historicznëch Rekònstrukcjów Tempora Militum, chtërny delë salwã ze strzélny barnie i kanónów. Sama roczëzna przëznaniô Wejrowù przëwileju òd pòlsczégò króla Władisława IV bãdze w pòniedzôłk 13. stëcznika. Wedle pòdaniô Jakùb Wejer miôł ùsadzëc na terenie dzysdniowégò Wejrowa nową môlëznã w pòdzãcë Bògù za ùretanié żëcô w biôtce, gdze miôł pòstawic dwa kòscołë i szerzwic Bòżą chwałã. W 1643 zjiscył przësëgã, czej ùsadzył wies ò pòzwie Wejrowskô Wòlô, jakô w 1650 stała sã nowim priwatnym miastã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie