Reklama

Welowelë nad limitã lëdztwa w państwie

Klëka

15/06/2026 17:20

Tschubby; zdrzódło: https://pl.wikipedia.org/wiki/Szwajcaria#/media/Plik:Reliefkarte_Schweiz.png

Dzesãc miliónów Szwajcarów – tëli miôł dopùscëc limit zabédowóny przez prawiznową Szwajcarską Lëdową Partiã.

W Szwajcarsce w niedzelã sztërnôstégò czerwińca òbëwatelë welowelë w referendum w sprawie ògrańczeniô lëczbë lëdztwa w kraju. Wedle projektu zabédowónégò przez Szwajcarską Lëdową Partiã, lëczba lëdztwa w całi kònfederacje miałabë bëc ùstawòwò ògrańczonô do dzesãc miliónów òsób. Pò przekroczenim progù dzewiãc i pół milióna rząd béłbë òbrzeszony rëgnąc z pasownyma dzejaniama: zmniészenim lëczbë lëdzy, jaczim przëznôwóny je azyl, a téż zlikwidowac program parłãczeniô rodzëznów zagrańcznëch robòtników. Òsygniãcé tegò progù to dlô Szwajcarsczi nie je dalekô przińdnota – dzysdnia ten krôj mô ju dzewiãc miliónów sto tësący mieszkańców. W referendum wzãło ùdzél przez piãcdzesąt sétmë procent òbëwatelów, jaczi wedle sondażów i wstãpnëch wëników zawelowelë procëm limitowi – piãcdzesąt piãc procent welëjącëch bëło na nié. Bédënk limitu pôdł w związkù z corôz czãscy pòdnoszoną grozbą przelëdzeniô przez napłiw migrantów. Za òdrzucenim stojałë taczé argùmentë, że w związkù z lëchim nôtërnym przërostã w kraju imigracjô je kluczowô dlô przedërchaniô spòlëznë. Kòl czwierc wszëtczich mieszkańców to imigrancë, a wikszosc z nich je z Eùropejsczi Ùnie.

H.S.Sz.

Źródło i opracowanie własne