Prokùratura ju wié ò lëstach zachãcywającëch do welowaniô na jednégò z kandidatów, jaczé trafiłë do ùrzãdowëch kastów miesczich radnëch.
W piątk dwadzestégò pierszégò strëmiannika radny Andrzéj Płaczkewicz, bëtnik Miesczi Radzëznë w Bëtowie z lëstë Prawa i Sprawiedlëwòscë, złożił do prokùraturë zawiadomienié ò przesprawie welowny agitacje w Miesczim Ùrzãdze. W pòcztowëch kastach niechtërnëch radnëch bënë bùdinkù ùrzãdu nalazłë sã lëstë zachãcywającé do pòpiarcô w nôblëższi prezydencczi welacje Rafała Trzaskòwsczégò. Bëłë to lëstë òd Stowôrë Samòrządë w Przódk, jakô prowadzy kampaniã wspiarcô dlô kandidata Òbëwatelsczi Kòalicje. Płaczkewicz miôł przódë pòrëszëc tã témã na sesje Miesczi Radzëznë, ale nie dostôł niżódnëch wëwidnieniów ti sytuacje. Wedle niegò, przedstôwca kòmitetu Trzaskòwsczégò mùszôł sã dogadac z kògùms, chto robi w ùrzãdze i dotëgòwiwô pòcztã do ùrzãdowëch kastów radnëch. Wedle Welownégò Kòdeksu, agitacjô na terenie jednostków samòrządu je zabrónionô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie