Młodi knôpi mielë ni miec swiądë, do kògò nôleżi môl, w jaczim chòwelë nielegalné substancje. Grozy jima do 12 lat sôdzë.
Szandarzë zatrzimelë i pòstawilë zarzutë dwùm lëdzóm, jaczi mielë wëkùmëwac w zemi kùlczi na terenie 49. Latawny Bazë w Pruszczu Gduńsczim i chòwac w nich narkòticzi na dalszi hańdel. To dwaji Ùkrajińcë, 17 i 18 lat stôri. Na òbéńdã bazë weszlë przez dzurã w płoce, jaką sami zrobilë. Jak cwierdzą, nie bëlë swiądny że òdgrodzony teren słëchô wòjskù. Naszlë jich robòtnicë òchrónë, chtërny zgłosëlë sprawã pòlicje. Służbë na môlu narechòwałë wnet 30 schówków. Sprôwcë mielë pòrobioné jich òdjimczi a téż zanotérowóné jich kòòrdinatë GPS, co pòmôgało jima w nalôżanim dokładnëch placów, gdze bëłë wëkòpóné kùlczi. Narkòticzi nalazłë sã téż w jich dodomach – razã 430 pòrcjów mefedronu, amfetaminë i marihuanë. Òbaji są òbwiniony ò hańdel narkòtikama. Mògą trafic do sôdzë nawetka na 12 lat. Òstelë aresztowóny na 3 miesące przez sąd we Gduńskù.
Twoje zdanie jest ważne jednak nie może ranić innych osób lub grup.
Komentarze opinie