Wedle zapòwiesców firmë zarządzający kòłã, òd przińdłégò rokù turiscë wsadną do wëższégò i mòderniészégò diôbelsczégò młëna.
Ju dobrze wpisóné w panoramã Gduńska wësoczé na piãcdzesąt métrów widokòwé kòło Amber Sky na Òłowiónce bãdze dzejało leno do kùńca zélnika. Pòtemù òstónie rozebróné i wësłóné do Americzi, gdze stónie sã atrakcją w San Antonio w Teksasu. Kòło ju je przedóné. Firma zarządzającô kòłã zapòwiedzała równak, że ju w stëcznikù dwa tësące dwadzestégò szóstégò rokù zacznie dzejac nowi diôbelsczi młin, téż na Òłowiónce. Mô bëc dzesãc métrów wëższi òd swòjégò pòprzédcë, pòstawiony bãdze pòd nórtã zagwësniwającym lepszi widok na Stôré Miasto, a gòndole bãdą wikszé, aùtomaticzno òdmikóné i z elektronicznyma prowadnikama, jaczé pòdadzą turistóm infòrmacje ò nôwôżniészich pùnktach Gduńska. Ju rëgnãłë przërëchtowania do mòntażu nowégò kòła.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie