Reklama

Wieża we Wieżëcë symbólno sparłãczonô z World Trade Center

Klëka

12/09/2025 10:35

Ògniarze z Kartuz i Szimbarkù zòrganizowelë biég pò trapach dlô przëwdarzeniô ataków sprzed dwadzesce sztërzech lat.

We czwiôrtk jednôstégò séwnika ògniarze z Państwòwi Ògniowi Starżë w Kartuzach i Òchòtniczi Ògniowi Starżë w Szimbarkù pòtkelë sã we Wieżëcë, gdze wëcmanim wlezlë pò sto òsmëdzesąt dwùch trapach Widokòwi Wieżë miona Jana Paùela Drëdżégò. Biegã pò stãpniach ùpamiãtnilë trzësta sztërdzescë trzech ògniarzów, jaczi zdżinãlë òb czas retënkòwi akcje w World Trade Center w Nowim Jorkù jednôstégò séwnika dwa tësące pierszégò rokù. Ten symbòliczny gest miôł przëwdarzëc ògniarzóm òdwôgã, wësadzywanié sã i pòswiãcenié, jaczé miałëbë parłãczëc nôleżników retënkòwëch służbów z całégò swiata.

H.S.Sz.