Reklama

Wiôldżé cwiczenia medików we Gduńskù

Klëka

07/12/2025 13:53

Print screen ze starnë https://gumed.edu.pl/pl

Nônowszé, colemało eksperimentalné zabiegòwé technologie bãdą wëpróbòwóné przez kòl tësąc piãcset ùczãstników warkòwniów.

Gduńsczi Mediczny Ùniwersytet rëchtëje sã na wiôldżé warkòwnie. Jak pòdôwô prorektórka do sprôw sztudérów Aleksandra Gawòrskô-Krzemińskô, w pòniedzôłk ósmégò gòdnika zjedze sã tu kòl półtora tësąca sztudérów z medicznëch ùczbòwniów a téż lékarzów praktików. Bãdą òni cwiczëlë na ùrządzeniach mòderny medicynë specjalno na tã leżnosc zwiozłëch do bùdinków ùniwersytetu. Jidze midzë jinszima ò chirurgiczné robòtë, mòdułë òbrazowaniô, nowòtné nôrzãdła do laparoskòpie, zabiegòwé symùlatorë i rozmajité ùrządzenia wëzwëskiwającé sztëczną inteligencjã i wirtualną a rozszérzwioną jawernotã. Cwiczëc medicë bãdą na jôjkach, gùlôczich piersach, melonach, arbùzach i manekinach. Wëpróbùją téż mòdułë do aùtomaticznégò spiséwaniô mediczny dokùmentacje. Dérowac mô to dwa dni. Na warkòwnie przëjedze téż midzë jinszima ministra zdrowiégò Jolanta Sobierańskô-Grenda ë jinszi przëdstôwcë pòlsczich medicznëch institucjów.

H.S.Sz.