Reklama

Wiôldżé dobëcé italsczi kùchnie

Klëka

11/12/2025 10:10

Cannoli siciliani. Òdj. Stefano Mortellaro z Catania, Italy - Flickr; zdrzódło: https://pl.wikipedia.org/wiki/Kuchnia_w%C5%82oska#/media/Plik:Cannoli_siciliani.jpg

Italskô jôda i kùltura ji rëchtowaniô a jedzeniô jakno pierszô na swiece òstała cawno wpisónô na lëstã niematerialny swiatowi spôdkòwiznë lëdzkòscë.

We strzodã dzesątégò gòdnika na zéńdzenim UNESCO w Delhi w Indiach ògłosëlë, że na lëstã niematerialny spôdkòwiznë lëdzkòscë wpisónô òstała italskô kùchniô. Je to brzôd starë rządu premiérczi Italsczi Giorgii Meloni, trzimóny òd trzech lat. To pierszi przëtrôfk, czej cawno ùjãtô kùchniô jaczégòs kraju òstała wpisónô na lëstã. Òrganizacjô w ùdokaznienim wskôzała na tradicjowi zgrôw i spòlëznową fùnkcjã ti kùchnie, w jaczi jidze nié blós ò jestkù, ale téż kùlturã jegò rëchtowaniô i pòspólnégò jedzeniô. Achtniãté òstało téż kładzenié przez Italczików cëskù na rzemiãsniczą jôdã, wëzwëskiwanié néżków, parłãczenié produktów nôwëższi kwalitë z dosc prostima receptama. Premiérka Giorgia Meloni skòmentowała decyzjã òrganizacje gôdającë, że dlô Italczików je to éra, jakô ùczestniwô  jich ôrt bëcô i juwernotã, a téż dokôz, że kùchniô je dzysdnia nôzwënéżniészim ambasadorã Italsczi.

H.S.Sz.