Kòl 10 tës. òbëwatelów brało ùdzél w sprzątanim pieglëszczów zabrëdzonëch mazutã, jaczi wëlôł sã do wód Kerczeńsczi Zwãżënë w gòdnikù.
Pò grzimniãcym ò sebie w pòłowie gòdnika dwùch rusczich tankòwców na Kerczeńsczi Zwãżënie halającëch mazut na ùżiwk rusczégò wòjska, znajarze nie bëlë zgòdą, kùli zagrôżającégò strzodowiszczu òleju dostało sã do wòdë. Z zôczątkù taksowelë, że wëlóné mògło bëc nawetka 3,68 tës. tón mazutu – 40% całégò ladënkù na òkrãtach – co bë òznôczało przemikniãcé nim nawetka 200 tës. tón gruńtu pò òbëdwùch starnach Kerczeńsczi Zwãżënë. Kùńc kùńców stratë produktu òbrechòwelë na 2,4 tonë. Mazut je cãżczim òlejã, jaczi tãgnieje w temperaturze 25 gradów Celsjusza i zawiészô sã w wòdze abò òbsôdô na dnie. Jegò bëtnosc w nôtërnym strzodowiszczu we wiôldżich wielënach zagrôżô żëcémù òrganizmów, co ju w przëtrôfkù ti katastrofë sã spełniło – pòcwierdzoné òstało, że pòdżinãłë wale i mòrsczé ptôchë. Nie je znóny niżódny métel na wëcyganié mazutu z wòdë, dlôte wëszëznë dałë sã na zaangażowanié òbëwatelów w czëszczenié sztrądów nad Zwãżëną. Kòl 10 tës. lëdzy – wikszosc to wòlontérowie – zebrało ju 86 tës. tón piôchù i zemi przemikłi mazutã. Bãdą szlë z robòtą dali.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie