Reklama

Wiôldżi jëbleùsz Pierszégò Òglowòsztôłcącégò Liceùm w Kòscérznie

Klëka

11/10/2025 16:59

Szkòła zaczãła dzejac w tësąc òsmëset sétmëdzesątim piątim rokù jakno priwatné Chłopsczé Progimnazjum. Dzysdnia dzejô ju sto piãcdzesąt lat jakno jedna z nôwôżniészich szkół na Kaszëbach.

W piątk dzesątégò rujana Pierszé Òglowòsztôłcącé Liceùm miona Józefa Wëbicczégò w Kòscérznie fejrowało stopiãcdzesątlecé jistnieniô. Ùroczëzna bëła sparłãczonô z òbchòdama Dnia Nôrodny Edukacje. Przërôczony bëlë przedstôwcë samòrządu, lokalny spòlëznë, dôwny robòtnicë szkòłë a téż ji absolwencë i drëszë. Zaczãło sã òd mszë w kòscele pòd wezwanim Pańsczégò Zmiartwëchwstaniégò w intencje szkòłowi spòlëznë. Pò liturgie ùczãstnicë przemaszerowelë do bùdinkù szkòłë. Tam direktórka Edita Bławat dzãkòwała wszëtczim zebrónym za przińscé ë pòdczorchiwała, że w kòżdi szkòle i edukacjowim procesu nôwôżniészi są lëdze, jak ti co przez sto piãcdzesąt lat twòrzëlë historiã liceùm. Béł téż wëstãp Kameralnégò Białczégò Chóru, jaczi dzejô kòl szkòłë, a téż ùroczëzna wmùrowaniô kapsułë czasu w przédnym holu szkòłë. Ta bãdze òdemkłô za piãcdzesąt lat, a bënë òtrocë nalézą midzë jinszima lëstë z refleksjama ò ternym cządze i proroctwama na przińdnotã.

H.S.Sz.