Reklama
Wiôldżi mòst dlô zwierzãt w Kòlorado
26/12/2025 12:50
Szescpasmòw aùtodarga nie bãdze ju jiwrã dlô gòspòdarzi kòloradzczi zemi. Przéńdą pò zelonym mòsce rozcygłim nad rësznym szasym.
W Kòlorado òdemklë nowi mòst dlô dzëwëch zwierzãt nad aùtodargą I-25 midzë Denver a Colorado Springs. Jegò pòzwa to Greenland Overpass. Ùsadzelë gò niedalek gardu Larkspur w grôfstwie Douglas. Je to nôwikszô takô kònstrukcjô – je szescdzesąt métrów szerokô i szescdzesąt trzë długô. Dotądka zwierzãta taczé jak łose, czôrné miedwiedze i pùmë mùszałë pòdjimac próbë przelézeniô przez szescpasmòwą drogã, pò jaczi dërch jezdzëłë aùtołë. To béł smiertny niebezpiek tak dlô nich, jak dlô szoférów. Mòst wëbùdowóny òstôł w mni jak rok za piãtnôsce miliónów dolarów i mô zmniészëc rizykò kòlizjów wòzów ze zwierzãtama nawet ò dzewiãcdzesąt procent. Znajarze òd taczich mòstów gôdają, że zwierzãta gwës nié dorazu dadzą sã na ùżiwanié przechòdu. Czej sã pò nim jidze, dali je czëc aùtołë przejéżdżającé pòd nima, tej mògą nie bëc gwës, czë je bezpieczno. Naùczëc sã równak mają dosc chùtkò, a dlô przińdnëch pòkòleniów bãdze ju to dobrze znóny pùnkt.
H.S.Sz.
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze