Reklama
Wiôlgô Britaniô ùznôwô palestińsczé państwò
22/09/2025 09:46
Do òswiôdczeniô szefa britijsczégò rządu przëłączëlë sã téż premiérzë Kanadë i Aùstralie.
W niedzelã dwadzestégò pierszégò séwnika britijsczi rząd òpùblikòwôł nagranié wideò, na jaczim premiéra Keir Starmer ògłôszô, co Wiôlgô Britanié pòdjimnãła decyzjã ò ùznanim palestińsczégò państwa. Wëwidnił, że wprowadzenié w żëcé wszëtczich skùtków z tim zrzeszonëch, w tim fùlprawnëch diplomaticznëch relacjów, to dłëgszi proces, jaczi zwënégòwóny bãdze dopiérze pò ùregùlowanim kònfliktu midzë Palestiną a Izraelã. Wiôlgô Brtianiô mô bëc za dwapaństwòwim rozrzeszenim, a téż za tim, żebë w samòstójny Palestinie nie bëło placu dlô Hamasu, jaczi je brutalną terroristiczną òrganizacją, chtërny célã je znikwienié Izraela. Na pòcwierdzenié zapòwiedzôł nałożenié pòstãpnëch sankcjów na Hamas. Tegò samégò dnia szlachòwné òswiôdczenia wëdelë przedstôwcë rządów dwùch jinëch krajów britijsczi kòrunë: premiéra Kanadë Mark Carney a téż premiéra Aùstralie Anthony Albanese.
H.S.Sz.
Reklama
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze opinie