Jeżlë pòcwierdzy sã wiada, że wëbùch sprawił wëcék tãchenia, bãdze to pierszi taczi przëtrôfk w historie tegò mòdelu.
We strzodã òsmënôstégò czerwińca gòdzënã przed dwanôstą w nocë w Starbase w Teksasu òb rutinowé testë wëbùchła kòsmicznô rakéta Starship òd firmë SpaceX mùltimiliardérë Elona Muska. Ten dłudżi na sto dwadzesce métrów mòdel òstôł zaprojektowóny do przenôszaniô nôcãższich ladënków. Przëczëną wëbùchù pòdóną przez miéwcã firmë miała bëc ùszkòda w zabiérnikù z tãcheniã. Wëbùch òstôł zaregistrowóny na filmikach ùprzëstãpnionëch w Internece – je na nich widzec, jak mającô ju wëlatëwac rakéta narôz stôwô w ògniu i miast ni je widzec leno ògnistą chmùrã w sztôłce grzëba. Firma SpaceX pòdała, że testë bëłë prowadzoné w bezpiecznym òddalenim òd lëdzy i nicht nie òstôł reniony, a sóm wëbùch nie zagrôżô mieszkańcóm z òkòlégò. Prosëlë jednak, żebë nie pòdchadac krótkò placu zdarzeniô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie