Pòtkanié przërëchtowóné we wespółrobòce kòscelnëch i samòrządowëch wëszëznów miało dac przërôczonym zastãpinã domôcégò cepła i szczescégò.
We wtórk 24. gòdnika w Halë 100-lecégò w Sopòce ò gòdz. 9 reno jak co rok zaczãła sã wilëjô dlô sómnëch i bezdomôcëch lëdzy, a téż jinëch, jaczi ni mògą swiãtowac Gòdów ze swòją rodzëzną. Wëdarzenié zòrganizowóné w wespółrobòce gardu z Caritas Gduńsczi Archidiecezje ùgòscëło kòl 500 brëkùjącëch, jaczi mielë òrãdz skòsztac môltëchù za darmôka a téż dostac paczétë z darënkama, w jaczich bëło jestkù do dłudżégò przetrzimòwaniô, gòdowé kôrtczi a stréfle. Szło téż ùczëc gòdowé żëczbë i tradicjowé kòlãdë.
W przërëchtowanim pòtkaniô wzãło ùdzél 40 wòlontérów, harcérze i szandarzë. Strzód gòscy bëlë przedstôwcowie wëszëznów archidiecezje i gardu, m.jin. abp Tadeùsz Wòjda i prezydentka Sopòtu Magdaléna Czarzëńskô-Jôchim.
Twoje zdanie jest ważne jednak nie może ranić innych osób lub grup.
Komentarze opinie