Szoféra quada òstôł zatrzimóny, czedë wiózł gò w przëczepie ò lëchi stojiznie i bez ùbezpiekù. Pierszé sztrôfë ju òstałë wëpisóné.
Czile dni dowsladë na teren Słowińsczégò Nôrodnégò Parkù na quadze wjachôł sztërdzescëdwalatny chłop, jaczi znikwił përznã roscënów na chróniony òbéńdze. Ùwôgã mù zwrócył parkòwi starżnik. Chłop na quadze zaczął grozëc gajewémù, a czej ten próbòwôł strzëmac gò przed dalszim zagrôżanim roscënóm, òn wjachôł na swòjã przëczëpã i zwiornął. Starżnicë parkù zgłosëlë sprawã na pòlicjã i pòdelë dokładny òpisënk sprôwcë i jegò pòjazdów. Szandarzë z kòmendë w Słëpskù przëjãlë zgłoszenié. Cziledzesąt minut pózni szandarzë z wëdzélu drogòwi rësznotë zatrzimelë w jedny môlëznie aùtół z przëczepą, na jaczi béł quad. I aùtół, i quad 42-latka òkôzałë sã bëc w lëchi techniczny stojiznie. Felowało téż òbrzészkòwégò sprzãtu i aktualnégò ùbezpiekù OC. Szoféra ju dostôł mandatë. Apartno òdpòwié za to, co zrobił w Słowińsczim Nôrodnym Parkù – przërëchtowónô òstała ju dokùmentacjô jegò wëkroczeniów, a w sprawie procëm niemù pòlicjô bãdze wespółrobiła z wëszëznama parkù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie