Reklama
Wòjewòda dała zgòdã na pòwikszenié Słëpska, Ùstczi i Lãbòrga
03/05/2025 11:05
Niechtërne bédënczi miesczich samòrządów rzeszëłë sã z wiôldżim sztridã z jednostkama, jaczé miałë stracëc part swòjich terenów.
Pòmòrskô wòjewòda Béjata Rutkewicz wëdała pòzytiwné òpinie co do kòntrowersjowëch bédënków zmianë grańców môlëznów. Chòdzy ò przëparłãczenié òbéńdów Kòbëlnicë, Bòlesławiców i Redzëkòwa do Słëpska, a téż Przewłoczi do Ùstczi i Nowi Wsë pòd Lãbòrgã do samégò Lãbòrga. Jak rzecze wòjewòda, nôłôtwiészô decyzjô tikała sã Przewłoczi, jaczi mieszkańcë sami czëją sã ju mieszkańcama Ùstczi. Pòszérzenié grańców Słëpska mô òbjic leno terenë ju wizualno i fùnksjonalno Słëpskòwi słëchającé. Nôdrãgszé bëło rozsądzenié spiérczi midzë Lãbòrgã a Nową Wsą, jaczich samòrządë nie bëłë fardich żebë sã mirno ùgadac. Òstateczno Rutkewicz wëdała pòzytiwną òpiniã ò rozszérzwienim Lãbòrga ò blós piãc kwadratowëch kilométrów, czej wedle wnióskù gardu wiéchrzëzna Lãbòrga miałabë sã zdëbeltnic. Decyzjô wòjewòdë nie je jesz wiążącô, bò kùńc kùńców ò zjinakach grańców rozsądzy Radzëzna Ministrów latos w lëpińcu.
H.S.Sz.
Załączniki
Źródło i opracowanie własne
Aktualizacja: 05/05/2025 18:06
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2025-05-03 12:21:24baro czekawé, chòc ze Przewłoką to nie je takô prostô sytuacjô, przewłoczani to w wiôldżim dzélu ùszczani co z jaczichs pòwòdów przecygnãlë na wies blëzë i wiele z nich widzy sã jak je, ni ma taczi pòwszechny zgòdë
odpowiedz -
2025-05-04 11:18:18
Reklama
Wideo
Reklama
baro czekawé, chòc ze Przewłoką to nie je takô prostô sytuacjô, przewłoczani to w wiôldżim dzélu ùszczani co z jaczichs pòwòdów przecygnãlë na wies blëzë i wiele z nich widzy sã jak je, ni ma taczi pòwszechny zgòdë
Ten komentarz jest ukryty - kliknij żeby przeczytać.