Zadanié przëdzeloné karnóm z psama mô pòmòc w biôtce z rozkòscérzanim sã smiertno niebezpiecznégò dlô pòmòrsczi chòwë Afrikańsczégò Pòszëdła Swiniów.
We strzodã 27. smùtana marszôłk pòmòrsczégò wòjewództwa Mieczësłôw Struk i Pòmòrsczi Wòjewódzczi Doktór Weterinarie Wòjcech Tribòwsczi delë do wiadë, że samòrząd pòmòrsczégò wòjewództwa, jakno pierszi w Pòlsce, włącziwô sã w dzejania procëm rozkòscérzaniémù sã Afrikańsczégò Pòszëdła Swiniów.
90 tës. złotëch wspiarcô bãdze wëdóné na karna z cknącyma psama, jaczé mają szëkac pò lasach za miartwima dzëkama, w chtërnëch scërzach nawetka przez czile miesãcy pò smiercë mòże ùtrzëmòwac sã wirus Afrikańsczégò Pòszëdła Swiniów, a dali przenosëc sã roznoszony przez jiné zwierzãta, lëdzy abò kòła aùtołów. Rëmanié miartwëch dzëków mô zascygnąc rozwij pòszëdła w wòjewództwie.
Na Afrikańsczé Pòszëdło Swiniów zachòrzëc mògą swinie i dzëczi. Smiertnota ti chòroscë sygô nawetka 100%. Pò wëkrëcym jednégò przëtrôfkù w gbùrstwie, całô chòwa swiniów mùszi bëc wëbitô. W krézach kwidzyńsczim i sztumsczim, gdze terô są dwa znóné ògniszcza pòszëdła ù chòwë, ju na ten ôrt zdżinãło 200 sztëk zwierzãt. Na terenie całégò wòjewództwa chòwie sã 700 tës. swiniów.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie