Rzma lëdztwa na hélsczim sztrądze miała leżnosc òbezdrzec kòl dwadzesce òkrãtów, a jesz fligrë i helikòpterë.
W piątk piãtnôstégò zélnika z leżnoscë Swiãta Pòlsczégò Wòjska kòl Hélu przepłinãła parada pòlsczich wòjnowëch òkrãtów. Prowadzył jã ÒRP Òrzeł, jedurny pòdwòdny òkrãt w służbie pòlsczi wòjskòwi marinarczi, a za nim jachało w sëmie kòl dwadzesce jinszich jednostków. Towarzëła temù lecba helikòpterów i fligrów Gduńsczi Brigadë Latawiznë Wòjnowi Marinarczi nad głowama òbzérôczów. Ti zgromadzëlë sã na hélsczim pieglëszczu w taczi hurmie, że part lëdzy wëzérôł za òkrãtama stojącë w wòdze, nimò wëwieszony czerwiony fanë, jakô òznôczô zôkôz kąpaniô sã. Mòrskô parada zaczãła sã kòl pôłniégò, w tim samim czasu co wòjskòwô defilada w Warszawie. Z leżnoscë Swiãta Pòlsczégò Wòjska zacumòwóny we Gdinie ÒRP Łiskawica wëpôlił téż armatny salut z dwadzesce jeden wëstrzałów, a w Sopòce ò trzecy pò pôłnim òbchòdë bëłë zrëchtowóné pòd pamiãtnika Krajewi Armie.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie