Co nômni sto trzëdzescë przedstôwców lëdu Fùlani zdżinãło w strëmiannikù z rãk przëstojników rządu.
Bùtenrządowô òrganizacjô Wacha Prôw Człowieka (Human Rights Watch) dała do wiadë, że za atakama na pastursczi lud Fùlani w òkòlim gardu Sulani w Bùrkina Faso w strëmianniku stojôł wòjskòwi rząd tegò kraju. Wedle swiôdków i nagraniôw żôłnérze specjalnëch sëłów a téż paramilitarnëch òrganizacjów zdrëszonëch z rządã direktno bëłë zaangażowóné w ataczi strzélną barnią i dronama na cywilów na zôpadze regionu Boucle du Mouhoun, co cygło sã przez dłëżi jak miesąc, òd dwadzestégò sódmégò gromicznika do drëdżégò łżëkwiata. Zdżinãło co nômni sto trzëdzescë cywilów. Niedługò pòtemù wet za wet ùderzëło môlowé islamisticzné karno, a za cél so wzãło lëdzy, jaczich òbsądzëło za winnëch wespółrobòtë z rządã – w tim przedstôwców lëdu Fùlani, jaczich rząd prawie winëje ò wespółrobòtã z islamistama. Wikszosc òstałëch Fùlańczików zwiornãła za grańcã do Mali. Wëszëznë Bùrkina Faso jesz nie òdpòwiedzałë na slédny rapòrt Wachë Prôw Człowieka. W òstatnëch latach przékòwałë szlachòwnym wiadłóm i cwierdzëłë, że kòżdi przëtrôfk nadùżëców w turze biôtczi z islamsczima terroristama òstôwô pòddóny wëdowiédzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie