Reklama
Wòjskò przejãło rządë pò welacje
27/11/2025 12:56
Dwaji kandidacë na prezydenta Gwineji-Bissaù ògłosëlë swòje dobëcé. Dlô wëwidnieniô sprawë, procëm ùstãpiwającémù prezydentowi wëstąpilë żôłnérze.
W niedzelã dwadzestégò trzecégò smùtana w Gwineji-Bissaù bëłë prezydencczé welacje, a we strzodã dwadzestégò szóstégò smùtana swòje dobëcé ògłosëło dwùch kandidatów. Ùstãpiwający prezydent Ùmaru Sissoco Embaló rzekł, że dostôł szescdzesąt piãc procent głosów i bãdze rządzył pòstãpną kadencjã, ale jeden z jegò przédnëch kòntrkandidatów Fernando Dias de Costa dôł do wiadë, że to na niegò wicy lëdzy zawelowało. W òdpòwiescë na tã spiérkã òddzél wòjska wlôzł do prezydencczégò pałacu i aresztowôł Embaló raza z czile jinyma pòlitikama. Chòc je wiada ò tim, że niedalek pałacu bëło czëc wëstrzéle, aresztowóny prezydent wëdôł òswiôdczenié, w jaczim pòdczorchnął, że żôłnérze nie ùżëlë wedle niegò przemòdżi. Wedle kòmùnikatu wòjska òdczëtónégò przez rzecznika w télewizje, junta przëjãła fùl włôdzã do czasu wëwidnieniô sytuacje. Gwineja-Bissaù zamknãła téż lądowé a lëftowé grańce ze wszëtczima swòjima sąsadama.
H.S.Sz.
Reklama
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Reklama
Wideo
Reklama
Komentarze