Reklama

Wòjskòwë szkòlenia cywilów na Pòmòrzim

Klëka

26/11/2025 09:41

Ju w smùtanie mają rëgnąc szkòlenia w trzech gardach wòjewództwa. Zapisac sã na nie mòże przez Internet.

Pò slédnëch aktach diwersje w Pòlsce Ministerstwò Nôrodny Òbarnë rëgnãło z nową programą dobrowòlnëch wòjskòwëch cwiczeniów dlô cywilów. Bãdą òne za darmôka i òbjimną téż Pòmòrzé – pierszé mdą jesz w smùtanie. Jich przeprowadzenim zajimie sã Sódmô Pòmòrskô Brigada Teritorialny Òbarnë. Kòżdi ùstny mòże zapisac sã indywidualno przez aplikacjã mÒbëwatel, a grëpòwò bãdą szkòlony nôleżnicë niechtërnëch institucjów na spòdlim ùgôdënków – te grëpòwé szkòlenia rëgną òd nowégò rokù. Warkòwnie bãdą òbjimałë taczé témë jak spòdlé òbarnë, regle przedërchaniô, rozpòznôwanié zagrôżbów i dzejanié w krizysowëch stojiznach. Pòmòrsczi Teritorialsowie bãdą rôczëlë chãtnëch na cwiczenia do batalionôw letczi piechòtë w Malbòrgù, Kòscérznie i Słëpskù.

H.S.Sz.