Reklama

Wëkrelë dwa nielegalné składowiszcza

Klëka

06/12/2025 13:00

Pòzdrzatkòwi òdjimk. https://cbsp.policja.pl/

Zatrzimóny òstelë midzë jinszima òperatorzë i dotëgòwiwôcze òpału kòparków, szoférzë cãżarówków i szef grëpë.

Centralné Pòdszukòwné Bióro Pòlicje pòdało w piątk piątégò gòdnika, że w dwùch môlëznach w krézach słëpsczim i kòscersczim bëłë nielegalné składowiszcza òdpadów. Pòd kùńc smùtana ùdało sã zatrzëmac w ti sprawie sétmë lëdzy, w tim przédnika grëpë, jaczégò szandarzë trafilë òb czas nielegalnégò zrzutu w Dãbògórach. Przesprôwcë dzejelë w nocë, dojéżdżającë na plac pólnyma drogama przë zgaszonëch widach. Kòparczi rëchtowałë teren, a cãżarowé aùtołë nawetka pò òsmë razy w jednã noc przëjéżdżałë na plac i rozladowiwałë naczepë. W sëmie jidze ò kòl òsmënôsce tësący tón kòmùnalnëch òdpadów, gabaritów, zabiérników na wòdã wëfùlowónëch sztofã i òpakòwaniama. Legalné zagòspòdarzenié tëch smiecy bãdze kòsztac wicy jak jednôsce miliónów złotëch.

H.S.Sz.