Wôłczi są wôrtnym elementã najégò rodnégò ekòsystemù, ale nót je rozmiôc, jak gò rozëmno z nima wespółdzelëc.
Chòc zwëczajno wôłczi ni mają w zwëkù atakòwac lëdzy òb przëtrôfkòwé pòtkania, za jich bëtnoscą w kaszëbsczich lasach jidą zagrôżbë dlô zwierzãt chòwónëch kòl chëczi i na gbùrstwach. W sobòtã 1. gromicznika reno w Egertowie w gminie Somònino doszło do atakù wôłków na psa, chtëren béł na lińcuchu na òbòrze przed chëczą. Sztërë drapieżniczi zerwałë gò z lińcucha i zagrëzłë. Zdarzenié, chtërno miewcowie pòsesje zaregistrowelë na kamerach, òstało zgłoszoné do Wëdzélu Krizysowégò Zarządzaniô w Kartuzach. Samòrządë proszą, żebë gwôscëcele psów i jinëch zwierzãt brelë òdpòwiedzalnosc za swój dobëtk i brëkòwelë métlów zabezpiekù przed jich atakama, taczich jak wësoczé płotë i elektroniczné systemë zabezpiekù. Dobrze je téż ògrańczëc spùszczanié psów lózã w lasach, bò to mòże jiscëc wôłczi i zwiksziwac mòżebnosc ataków na psë. Czãsté przebiwanié wôłków w môlach mòcny lëdzczi aktiwnoscë òb dzéń nót je zgłaszac do Regionalny Direkcje Òchrónë Strzodowiszcza we Gduńskù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie